GEUSAN ULUN

Karya Yus Rusyana

 

(Keur Putri Uwung-uwung Mayang Béntang)

Kaula Geusan Ulun teureuh galeuh Pucuk Umun
Naléndra nu nampa cakrawati bumi Sunda
Nu ngabawah Umbul anu Opat Puluh
Anu murba ka Opat Kandaga Lanté

Taméng dada Sanghiang ti Pajajaran
Térong Péot, Kondang Hapa, Nangganan jeung Sayang Hawu
Panyayangan bangsaning maung bayangan
Disarigsig iga beusi pakubuan Kuta Maya
Ciduh Galuh peurah terah Bagawat Sajala-jala

Geusan Ulun malang kubu nuluykeun Galih Pakuan
Turun cadu Prabu Séda Prabu Aléngléng Kakaléng
Geusan Ulun bali geusan tanggoh di Sumedang Larang
Kuta Maya kuta bukti ketakna haté lalaki

Anu aris Arisbaya dijieun pamancing baya
Disusul ka Darmawangi puguh buni di Nyalindung
Sayang Hawu ngusap dada bayangan ti Pajajaran
Badéga di Pangadegan sososak di Dago Jawa
Dago Aing! Ruhak barah ti Pakuan!

Sudajaya, Sukatali guyang getih di Cibeureum
Sayang Hawu ngagedur ngamukna anggeus-anggeusan
Balik jurit ngabarérang kapan hanjuang teu pérang
Nangganan nu ditelasan Dayeuh Luhur pamundungan

Kecap Aing kecék kujang
Geusan Ulun nu ulun ka bali geusan
Anu madeg dina jega pamadegan
Anu nampa galeuh teuneung Pajajaran
Nyakrawati Jero Galih Pakuwuan

1 Juli 1961

Dicutat tina Buana nu Pinuh ku Mega (Kumpulan Sajak Yus Rusyana ) 1992.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: